پنجشنبه ۲۲ تیر ۱۳۹۶ - ۱۱:۵۴
کد خبر39307

ولی فقیه ین، شرقی آذربایجان نوماینده سی :
تبریز بلدیه سینین فعالیت لری ایله برابر مئدیا فعالیت لری ده داها چوخالمالی دیر / شهریارنیوزون آذری تورکجه بولومو ایشه باشلادی

photo_۲۰۱۷-۰۷-۱۳_۱۰-۴۶-۰۲.jpg

شهریارنیوز: ولی فقیه ین شرقی آذربایجان داکی نوماینده سی و تبریز امام جمعه سی دئدی: تبریز ده چوخ ساییدا دیرلی و بویوک عمرانی ایشلر گورولور و بو ایشلر اجتماع ایله علاقه قوران اداره (اداره روابط عمومی) واسطه سی ایله نشر اولوب و همشهری لره یئتیریلمه لیدیر.

حجت الاسلام والمسلمین محمدعلی آل هاشم، شهرداری نین عمومی رابطه لر و بین الملل اداره سینین، سون مئدیا محصوللارینین آچیلیش مراسیمینده دئدی: ملت له بلدیه مجموعه سینین ارتباط و علاقه سینی چوخالتماق روابط عمومی اداره سینین ایشی دیر و بو اداره گرک بلدیه نین دیرلی ایشلرین جامعه ده داها آرتیق نشر ائتسین.

آل هاشیم، مئدیا فعالیت لرینین تبریز و تبریز شهرداری فعالیت لرینی تانیتمادا اهمیتلی اولدوغونو وورغولاییب دئدی: تبریزین مهربان و سئومه لی اهالیسی بلدیه ده گورولن ایش لر له بوندان آرتیق تانیش اولمالی دیرلار. روابط عمومی لرین ایشی و مئدیا ایشلری بو فعالیت لرین گونو گوندن گئنیشلندیرمه سینی واجیب ائدیر.

58 نجی اسلامی شورا رئیس لرینین اجلاسی ایله برابر شهریارنیوز سایتینین آذری تورکجه بولومه، هابئله «تبریز2018» اوچون تبریز بلدیه سینین فرانسیزجا، انگلیزجه، عربجه، و تورکجه بولومو حجت الاسلام آل هاشم حضوروندا ایشه باشلادی.

 

ارسال نظر