دوشنبه ۲ مرداد ۱۳۹۶ - ۰۷:۳۵
کد خبر39509

اسلامی شورا مجلس نماینده سی:
اجرایی ارگان لاردا وظیفه لرینی شهرداری کیمی «تبریز2018» مسئله سینده ائفا ائتمه لیدیرلر

23111.jpg

شهریارنیوز: تبریز، آذرشهر واسکو اهالی سینین اسلامی شورا مجلسینده کی نماینده سی، «تبریز2018» مسئله سی نی تکرارلانمایان بیر اتفاق بیلدی.

شهاب الدین بیمقدار آرتیردی: چوخ احتمال وار کی بو اتفاق بو تئزلیک له بیر داها دا بیزیم اولکه میزده تکرار اولماسین. بونون ایچین اله گلن فرصت دن تمام گوجوموزله تبریز و استانین توسعه و دیرچلمه سینه فایدالانمالییق.

بیمقدار تبریز 2018 ین تبلیغات و بین الملل کمیته سینین جلسه سینده آرتیردی: اونودمامالییق کی تبریز 2018 ساده جه تبریز بلدیه سینه مربوط دئییل و باشقا ارگان لار و تشکیلاتلارین دا بو موضوع دا وظیفه لری واردیر و بو ارگان لار دا عینی شهرداری کیمی گرک اوز وظیفه لرینی لاپ چوخ دقت له یئرینه گتیرسینلر.

تبریز شهرینین اسلامی شورا مجلسینده کی نمایندسی سوزلرینه بونلاری دا آرتیردی: دونیانین چئشیدلی یئرلرینده بلدیه لر گئنیش اختیاراتا مالک دیرلر. آما چوخ تاسفله بیزیم اولکه ده واحد شهری مدیریتین اولمادیغی اوچون شهرداری نین اختیاری شهر اداره چیلیگینده چوخ آزدیر. بو دا اولکه نین هر یئرینده گوزه گؤروکن بیر معضل دیر.

شهاب الدین بیمقدار تبریز2018 اتفاقینین یاخینلاشماسینا توخوناراق دئدی: زامان و اوندان داها یاخشی فایدالانماق چوخ اهمیت لی بیر مسئله دیر و بوتون مسئوللار اؤن گؤرولموش آماجلارین اوغروندا بوتون گوجلرینی و امکانلارینی ایشه سالمالیدیرلار.

ارسال نظر