یکشنبه ۲۶ شهریور ۱۳۹۶ - ۱۳:۲۲
کد خبر40558

اوستاد شهریار موزه سینین متولی هئیتینین باشچی سی:
سون یوز ایللرده شهریار کیمی تاثیرلی شاعیریمیز اولماییبدیر

13164362961.gif

شهریارنیوز: اوستاد شهریار موزه سینین متولی هئیتینین رئیسی سون یوز ایللرده شهریارا تای سوزو تاثیرلی شاعیرین اولمادیغینی دئدی.

علی اصغر شعردوست شهریارین یاشاییشینی خالق یاشاییشی ایله عینی اولدوغونو دئیه رک آرتیردی: شهریار عموم خالق کیمی یاشاییردی ائله بونون اوچون ده خالقین اوره یینی قازانماغا نائل اولدو.

شعردوست شهریارین ایران غزل شعرینین سونونجو وارثی آدلاندیریب دئدی: شهریار شعرین بوتون قالب لرینده شاه اثرلر یارادیب. بو بویوک شاعیر تورکجه شعرلری ایله یاناشی، فارسجا غزل شعرلرینده شهریار مکتب و اسلوبو یارادبیر دیر.

ایرانین تاجیکستان داکی کئچمیش سفیری شهریارین تورکجه شعرلرینی بو دیلین احیا ائدنی بیلیب دئدی: اوستاد شهریار حیدربابا و سهندیه کیمی بویوک منظومه لر و شاه اثر یاراتماقلا آذربایجان تورکجه سینده اوز ایزینی ابدی ائدیب دیر.

شعردوست آرتیردی: اوستاد شهریار اوندان سونرا کی شاعیرلره یئنی بیر یول آچدی و شهریاردان سونرا چوخ شاعیر اونون شعرلرینی تقلید ائدرک اونون یولونون داوامچی سی اولدولار.

تبریزین اسلامی شورا مجلسینده کی کئچمیش وکیلی شهریور آیینین 27 نجی گونونو ایران شعر و ادب گونو آدلاندیریلماسی اهمیتی حاقیندا دئدی: شهریارین ایران ادبیات و شعرینده کی ایزینه باخاراق او بویوک شاعیرین اولوم گونو مدنیت عالی شوراسی وریندن فارس شعر و ادب گونو آدلاندی.

شعردوست سوزلرینین سونونجو حیصه سینده دئدی: بئله بیر گونده شهریاردان و بونونلا برابر فارسجا و تورکجه ادبیات و شعردن تجلیل اولونور نیه کی بوگون حقیقت ده شعر و ادبیاتا حصر اولونوبدور.

اوستاد شهریار موزه سینین متولی هئیتینین باشچی سی بو ایل ده کئچن ایللره تای شعر و ادب گونونون داها طمطراق لی کئچمه سینی اومود ائتدی.

ارسال نظر