دوشنبه ۱۰ مهر ۱۳۹۶ - ۰۹:۴۹
کد خبر40842

حضرت امام حسین (ع) عزا گونلری ایله برابر؛
تبریز بازارینین تمیزلنمه سی ایله برابر، یاشاییش محیطین نئجه تمیز ساخلاماق حاقیندا معلوماتلار یاییلیر

photo_2017-09-30_15-16-53 (2).jpg

شهریارنیوز: حضرت امام حسین (ع) ین عزا و ماتم گونلری ایله برابر، تبریز بازاریندا، تمیزلیک ایشلری اجرا اولاراق، همشهری لره یاشاییش محیطی تمیزلیگی حاقیندا بیلگی لر وئریلدی.

تبریز بلدیه سینین توللانتی اداره تشکیلاتی هر ایله تای محرم آیینین بیرینجی گونوندن، تبریزین تاریخی بازاریندا خصوصی ایله عزا ساخلایان هئیت لرین گئچدیگی مسیر لرده همشهری لره یاشاییش محیطی نی نئجه ساخلاماق حاقیندا بیلگی بر و معلوماتلار یایدی.

علیرضا اصغری، تبریز بلدیه سینین توللانتی و زیبیل لرینین اداره تشکیلاتینین رئیسی بو حقادا دئدی: حسینی دسته لر و عزادارلیق ائدن هئیت لرین یولونو تمزیله ملک له برابر بو ایل تبریزین بویوک بازاریندا توللانتی و زیبیل لره نئجه یاناشماق حاقیندا دیرلی و فایدالی معلومات لار وئریلدی.

تبریزین 8نجی منطقه سینین شهرداری سینین امکداشلیغی ایله برابر بلدیه اکیب لری محرمین 8 یندن 12نجی گونلرینه قدر بازاردا دایاناراق، بازاری تمیزلمک له برابر همشهریلریمیزه شهر تمیزلیگی حاقیندا بیلگی لر وئریله جک دیر.

عینی زاماندا بو گونلرده تبریز شهرداری سینین زیبل لری اداره ائدن تشکیلات، بازاردا قورو و یاش زیبیل لره مخصوص کیسه نصب ائدیب، و نذرلرین پایلانماسی نتیجه سینده توکولن زیبیل لری تمیزله ییب لر.

ارسال نظر