دوشنبه ۱۰ مهر ۱۳۹۶ - ۱۰:۳۱
کد خبر40844

تبریز بلدیه رئیسی:
محرم گونلرینده، شهر خدمتلری بولومو اوچ شیفت ده ایشله ییر/ همشهریلر تبریزین نظافت و تمیزلیگینده الیمیزده توتمالی دی

اسحقی.jpg

شهریارنیوز: تبریز بلدیه رئیسی تبریز بلدیه ایشچی لری و شهر خدمتلری بولومونون وقفه سیز چالیشماسیندان تقدیر ائدرک، همشهری لر و حسینی عزادارلارین، شهر تمیزلیک و نظافتینین ساخلانماسیندا ایش بیرلیلرینی وورغولادی.

محمد حسین اسحقی دئدی: تبریز بلدیه سی، محرم آیینین بیرینجی گونوندن، چئشیدلی خدماتی و تنظیف ایشلرینی تنظیم ائدرک، اوچ شیفت ده شهری تمیزله ییر و شهرداری مامورلاری گئجه گوندوز شهرده چالیشیرلار.

اسحقی شهرداری ایشچی لرینین زحمتی نتیجه سینده شهرده لاپ آز زیبیل اولدوغونو وورغولایاراق دئدی: احسان و نذری پایلاماق سنتینی نظرده آلاراق، زیبیل کیسه لری چئشیدلی یئرلرده پایلانیر، آنجام عموم اهالی و حسینی هئیت لردن شهرین نظافت و تمیزساخلاماسینی اوموروق.

تبریز بلدیه رئیسی سوزلرینین سونوندا آرتیردی: هاوانین سویوماسی و یاغینتی لارین باشلاماسی احتمالی وار و زیبل لرین سو یوللاری و کاناللاردا توپلانماسی جدی مسئله لر یارادا بیلر و همشهری لردن ایسته ییریک داها آرتیق بو مسئله یه دیقت ائتسینلر.

ارسال نظر