دوشنبه ۱۰ مهر ۱۳۹۶ - ۱۱:۱۱
کد خبر40848

تبریز بلدیه رئیسی محرم گونلرینده زحمت چکن بلدیه ایشچی لرینین زحمت لرینی قیمتلرندیردی

اسحقی.jpg

شهریارنیوز: تبریز بلدیه رئیسی تبریز، محرم گونلرینیده بلدیه ایشچی لری و شهر خدمتلری بولومونون، شهرین مختلف یئرلرینین تمزیلنمه سی اوچون وقفه سیز چالیشماسیندان تقدیر ائدرک، اونلارین زحمتلرینی قیمتلی و دیرلی بیلدی.

محمد حسین اسحقی، تبریزین چئشیدلی منطقه لریندن و محله لریندن گوروش ائتدیکدن سونرا دئدی: کئچن اون گونده، بوتون شهرده، آغیر حجیمده، خدمت و تمیزلیک ایشلری آپاریلدی و بو زحمت لرین نتیجه سینده تبریزین تمزیلیگی و گوزللیگینه داها دا آرتیریلدی.

تبریز شهرداری دئدی: عینی حالدا محرم آیینین اونونجو گونوندن سونرا، حسینی دسته لرین عزادارلیغینین سونلانماسی ایله برابر، تبریز بلدیه سینین زحمت چکن ایشچی لری، تعصب و جدیت له شهرین تمیزلیک ایشینی گئجه نی اول ساعتلاریندان باشلادیلار.

اسحقی آرتیردی: زائد داربست و دمیرلر، خیابانلاری تمیزلمه و یوما، بنرلری توپلاما، کاناللار و سو یوللارینی تمیزلمه، تبریز بلدیه ایشچی لرینین چالیشمالاریندان نمونه لردیر. بو چالیشمالار شهر خدمت بولومو ایشچی لرینین ایش بیرلیگی و تبریزین 10 منطقه سی نین زحمت چکن لرینین امداشلیغی ایله گئجه نین اولیندن اجرا اولوندو.

تبریز بلدیه رئیسی، حسینی هئیت لرین و عزادار دسته لرین تبریز بلدیه سی ایله صمیمی همکارلیق و ایش بیرلیک لرینی بو ایلین متمایز خصوصیتی بیلیب آرتیردی: بو ایش بیرلیگین نتیجه سینده، زیبیل لرین توپلانما زامانی چوخ آزالیب و تنظیف ایشلرینین داها یاخشی اولدوغونا شاهید ایدیک.

مهندس اسحقی سوزلرینین سونوندا، زیبیل لرین یوزده 20 آرتیلماسینی دئیه رک آرتیردی: تبریزده، نذر و احسان گلن گونلرده ده داوامی اولاجاق و تبریز بلدیه سینین شهر خدمت لری معاونتی و توللانتی و زیبیل لرینین اداره تشکیلاتیندان بو مسئله نی نظرده آلمالارینا تاکید ائتدی.

ارسال نظر