چهارشنبه ۱۹ مهر ۱۳۹۶ - ۱۰:۰۹
کد خبر41056

شرقی آذربایجان والیسی
تبریز شهرینین انکشافی سرعتله نیب / یاشیل ساحه لرین توسعه سی والیلیگین مقصدی دیر

خدابخش.jpg

شهریارنیوز: شرقی آذربایجان ایالتینین والیسی دئدی: تبریز بلدیه سینین اجرا ائتدیی مهم پروژه لر نتیجه سینده، شهرین عمومی گورونوشو سون نئچه ایلده چوخ فرقلنیب دیر.

مجید خدابخش تبریز مترو پروژه سینین بیرینجی حیصه سیندن گوروشده دئدی: هله تبریز شهرینین بوتون انکشاف و توسعه پروژه لریندن گوروش ائده بیلمه میشم. آما عمومی باخیمدان  شهرده کی وضعیتین انکشاف و ده ییشمه سی گوزدن قاچیامازدیر. والیلیک تبریز بلدیه سی و شهرین اسلامی شوراسی ایله بیرلیک ده شهرین انکشاف پروژه لرینی تعقیب ائده جه ییک.

او علاوه ائتدی: یاخین گونلرده، تبریز بلدیه رئیسی و اسلامی شورا عضو لری ایله بیرلیکده، تبریزین عمرانی پروژه لریندن گورمه لییک تا داها آرتیق معلومات لا تبریزین توسعه پروژه لرینی تعقیب ائده بیلک.

شرقی آذربایجان والیسی، مترونو، ترافیک مسئله سینین حل ائتمسینده ان یاخشی پروژه بیلیب آرتیردی.: مترو، زاماندا قناعت ائتمک، چیرک لنمه نین قاباغین آلماسی، دولت هزینه لرینین آزالماسی و شهرین ساکت لشدیرمه سینده تحول یارادان بیر پروژه اولدوغونو وورغولادی

ارسال نظر