دوشنبه ۲۴ مهر ۱۳۹۶ - ۰۹:۰۸
کد خبر41150

تبریز شهرینین اسلامی شورا رئیسی:
تبریز آغاجلارینین آفت لری ایله بیولوژیک مبارزه ائتمک واجیب دیر

شکور.jpg

شهریارنیوز: تبریز شهرینین اسلامی شوراسینین رئیسی، تبریز آغاجلارینا ضرر وئرن آفت لرله مبارزه ده بیولوژیک مبارزه یه اوستونلوک وئرمه یی وورغولادی.

دکتر شکور اکبرنژاد تبریز آغاجلارینداکی ضررلی آفت لرله مبارزه ده شیمیایی سم لردن استفاده ائتمه یین چئشیدلی مسئله لره ندن اولدوغونو و بو شیمیایی سم لرین اینسان و یاشاییش محیطینینه تهلوکه لی و خطرلی اولدوغونو دئدی.

اکبرنژاد تبریز آغاجلاری و یاشیل ساحه لرینده استفاده اولونان شیمیایی ماده لرین استاندارد سویه نین اوچ برابری اولدوغونا دئیینه رک، علمی تحقیات لارین، بو شیمیایی سم لرین سرطان، قیسیرلیق و سونسوزولوغا  سبب اولدوغونو دئدی.

تبریز شهرینین اسلامی شورا رئیسی سوزلرینین سونوندا آرتیردی: خوشبختلیک له تبریز شهرینده آفت لرله بیولوژیک مبارزه آپارمادا دیرلی متخصص لر واردیر و بو متخصص لر شهریمیزه خدمت ائتمه یه هر زامان حاضیردیرلر. بیزه ده بو متخصص لرین علمی و اجرایی گوجلریندن فایدالانماق واجب دیر.

 

ارسال نظر