سه‌شنبه ۱۶ آبان ۱۳۹۶ - ۰۹:۲۱
کد خبر41563

ولی فقیه ین شرقی آذربایجان داکی نماینده سی و تبریز امام جمعه سی:
بلدیه و شورانین اورک بیرلیگی ذیروه ده اولمالی دیر/ شهرین گله جه یینه اومودلویام

28103.jpg

شهریارنیوز: شهرین مدیریتینده اوغور و موفقیت ساده جه تبریزین اسلامی شوراسی و بلدیه نین اورک بیرلیگی و صمیمت ایله الده ائدیله بیلر.

حجت‌الاسلام‌والمسلمین آل‌هاشم تبریز بلدیه باشچی سی و اسلامی شورا عضولری ایله گوروشده دئدی: اختلاف هر زامان ایشلرین و شهرین انکشافینین قاباغینی آلابیلر. یئنی دورده بلدیه و شورانین ایش بیرلیگی و اورک بیرلیگینین لاپ زیروه ده اولماسی اومولور.

 

او ،" حتی کئچمیش ده اختلاف و مسئله اولسادا اونودولمالی دیر دئیه رک، تبریز بلدیه باشچی سی نین بیر مشخص طیف یوخ، بوتون شورا عضولرینین بلدیه رئیسی اولدوغونو وورغولادی.

 

 

حجت الاسلام والمسلمین آل هاشم سوزلرینین داوامیندا دئدی: تبریزین شورا عضولری بوتون گوج لری ایله کئچن شورانین فعالیتی زامانی باش وئرن حیثیتی ضربه لری آرادان قالدیریب و بلدیه و شورا حاقیندا یارانان ذهنیت لری سیلمه لیدیرلر.

 

 

دئمه لی، تبریز بلدیه رئیسی نین حوکمو، داخلی ایشلر ناظری طرفیندن امضالاندیقدان سونرا، تبریز بلدیه رئیسی و اسلامی شورا عضو لری، ولی فقیه ین شرقی آذربایجان داکی نماینده سی و تبریز امام جمعه سینین گؤروشونه گئتمیشدیرلر.

ارسال نظر