چهارشنبه ۲۴ آبان ۱۳۹۶ - ۰۸:۵۴
کد خبر41718

تبریز بلدیه رئیسی معاونینین «جایکا» نماینده لری ایله گوروشونده طرح اولوندو:
مدنی و توریستی مراوده لرده ژاپن توریسم تجربه لریندن فایدالانمالییق

28628.jpg

شهریارنیوز: تبریز بلدیه رئیسی نین معاونی دئدی: بیز ژاپن اولکه سینین توریسم تجربه لریندن فایدالانماغا ماراغیمیز و بو حاقدا گوروشلرین داوام ائتمه سینی اومید ائدیریک.

محمد حسین اسحقی ژاپن بین الملل ایش بیرلیگی آژانسینین نماینده لری ایله گوروشده، بو اولکه نین توریسم صنعتینده باجاریقلی تجربه لرینه دئیینه رک آرتیردی: بو تجربه لردن فایدالانماق، توریسم انکشافینا چاتماق اوچون و تبریزی بیر توریسم مقصدینه چئویرمک ده بیزه چوخ یاردیمجی اوابیلر.

تبریز بلدیه رئیسینین فنی و عمرانی معاونی بو شهرین آسیا و یاخین شرقین سیاسی، اقتصادی و مدنی ده ییشمه سینده اولان رولونا دئیینه رک دئدی: تبریز شهری ایپک یولونون اورتا سیندا یئر آلان بویوک بیر تجار شهر اولاراق، چین و اروپانین تجاری مبادله لرینده مرکزی محوریتی وار ایدی.

او دئدی: تاریخ بویو، تبریز ایپک یولونون اهمیتلی دوراغی اولاراق چئشیدلی مدنیت لرین بیربیری ایله گورشوب و علاقه قورماق یئری رولونو اوینامیشدیر و ائله جه چوخ اهمیتلی اجتماعی و اقتصادی رول اوینامیشدیر.

اسحقی آرتیردی: بیر نئچه مدت سونرا تبریز، «2018نجی ایل اسلامی اؤلکه لرین توریسم پایتختی» حادثه سینه ائو صاحیبلیی ائده جک دیر و بو مسئله تبریزی دونیایا لایقینجه تانیتماق اوچون مهم بیر فرصت دیر.

ارسال نظر