دوشنبه ۲۹ آبان ۱۳۹۶ - ۰۷:۴۸
کد خبر41822

تبریزین مشهور انسانلاری؛
ابوالقاسم فیوضات ایله تانیش اولاق

Fiyoozat.png

شهریارنیوز: میرزه ابوالقاسم فیوضات، یازیچی ، ژورنالیست و دؤردونجو ملی شورا مجلیسنین ملت وکیلی ایدی.

او تحصیلاتینی رشد و قدس مکتب و مدرسه لرینده باشلادی و سونرالار ائله همین قدس مدرسه سینده معلم چیلیک ائتدی. 1326نجی قمری ایلده فیوضات آدلی مدرسه نی تاسیس ائدره رک 1327نجی ایلده حیات مدرسه سینین مودورلویونه منصوب اولدو. فیوضات 1336نجی ایلده تبریزین مشهور محمدیه مدرسه سینین مودورلویونه سئچیلدی و اوندان سونرا آذربایجان معارف اداره سینین مودورو اولدو.

بو زمانلار قیوضات خالقین مشروطه و عدالت نهضت لرینین اؤنده گلن لریندن ساییلاراق تجدد گونده لیگ درگی سینین مودورلویو و یازارلیغینی عهده سینده آلیب، شیخ محمد خیابانی نین فیکیرداشی ساییلیردی.

او تبریزین ملت وکیلی اولاراق دؤردونجو ملی شورا مجلسینه سئچیلدی. بیر ایل آذربایجان معارف تشکیلاتینین باشچیلیغیندان سونرا تهرانا گئدیب، تهران و فارس ایالتینین معارف اداره سینین مودورلویونو قبول ائتدی. فیوضات بیر مدت ایسه اوقاف رئیسی و خراسان معارف مودورو اولموشدور. سونرا مدنیت ناظرلیگینین معاونی اولوب و قیزیل گونش - آسلان جمعیتینده (شیر خورشید – هلال احمر) ده خدمت ائتدی.

فیوضات بیر نئچه کیتاب ، او جومله دن ذهنی الفبا، تنقیح حکایه سی، و نصاب الصبیان، شرح ارشاد الحساب و بیر نئچه علمی کیتابین مولفی اولموشدور. فیوضات 83 ایل مدنی خدمت دن سونرا 1349نجی شمسی ایلده تهران دا وفات ائتمیشدیر.

(دوغوم 1267ش – تبریز / اؤلوم 1349ش- تهران)

ارسال نظر