دوشنبه ۲۹ آبان ۱۳۹۶ - ۰۸:۲۱
کد خبر41823

شرقی آذربایجان والیسی و تبریز بلدیه رئیسی تبریزین تاریخی بازاریندان زیارت ائتدیلر

گزارش تصویری: بازدیدشهردار تبریز و استاندار آذربایجان شرقی از بازار تبریز

شهریارنیوز: شرقی آذربایجان والیسی، تبریز بلدیه رئیسی و بیر نئچه شورا عضولری ایله برابر تبریز بازارینین مختلف، تیمچه لر، دالانلار، سارایلار و بازارچالاریندان گوروش ائتدیلر.

دکتر خدابخش بو زیارت اثناسیندا، تبریز 2018 مسئله سینی نظرده آلاراق تبریز بازاریندا آپاریلان اجرایی پروژه لرین تئزلیک له قورتاریلماسینی وورغولادی. 

شرقی آذربایجان والیسی تبریز بازارینین تاریخی دیوارلارینین احیاسی و یوللارینین دؤشه مه لایحه سی قیمتلی و دیرلی لایحه بیلدی.

تبریز بلدیه رئیسی و شرقی آذربایجان والیسی تبریز بازارینین مختلف اصناف و ایش صاحب لری ایله ده گوروشوب اونلارین سوزلرینی ائشیتدیلر.

مهندس شهین‌باهر، تبریز بلدیه رئیسی ده بو گوروش ده، تبریز بازارینین تاریخی و هویتی یئرینه اشاره ائدرک دئدی: تبریز بلدیه سی تبریز بازارینین اصلی متولی سی اولمادیغی حالدا، مدنی میراث اداره سینین ایش بیرلیگی ایله بازارین داها گوزللشمه سی اوچون الیندن گلنی اسیرگه مه یه جک.

او عینی حالدا بازاردا آپاریلان پروژه لرین سونا چاتماسیندا بازار اصنافینینمشارکت و ایش بیرلیگی اهمیتلی بیلدی.

ارسال نظر