شنبه ۱۱ آذر ۱۳۹۶ - ۰۸:۲۳
کد خبر42051

تبریز شهرینین اسلامی شورا رئیسی:
شهر شورالارینین گوجله نمه سی اوچون، قانون لارین ده ییشمه سی واجب دیر

شکور

شهریارنیوز: تبریز شهرینین اسلامی شورا رئیسی، شهر شورالارینین گوجلنمه سی اوغروندا، قانونون ده ییشمه سی نین ضروری اولدوغونو دئدی.

دکتر شکور اکبرنژاد اسلامی شورا رئیس لرینین مشورتی اجلاسیندا شورالارین اختیار و نظارتی گوجلرینین آرتیریلماسینی، بو شورالارین تاثیرلی اولماسینا بیر مهم باشلانیش بیلدی.

 

 

شکور اکبرنژاد 59نجو اسلامی شورا رئیس لرینین مشورتی اوتوروموندا، دئدی: کئچمیش تجربه لر و آراشدیرمالاردان بئله دوشونولورکی، شورالارین اجرایی و نظارتی چرچیوه سینی آیدینلاشدیرماق، و بو حاقدا لازم اولان قانون لاری تصویب ائتمک شورالارین داها آرتیق باشاریلی اولماسی اوچون اهمیتلی موضوعلاردان دیر.

 

تبریز شهرینین اسلامی شورا رئیسی دئدی: کئچمیش ده و ایندی ده شورانین نظارتی تکلیف لرینین چوخو هله یئرینه یتیرلمه ییب. بعضا شورالار تشریفاتی ارگانلارا اوخشاییر و اونلارین توتدوغو تصمیم لر یئرینه گئتمه ییر. بو ایسه شورالارین حیثیت و مقامینا خلل گتیریر.

 

ارسال نظر