دوشنبه ۱۳ آذر ۱۳۹۶ - ۰۸:۱۷
کد خبر42112

تبریز بلدیه رئیسی معارفه مراسمینده؛
استاندارد اولمایان ائولری احیا ائتمک اوچون تاثیرلی آدیم لار آتیلاجاق/ رانت لا مماشات ائتمه یه جه ییک

29518.jpg

شهریارنیوز: تبریز بلدیه رئیسی دئدی: بوتون وارلیغیمیزلا، دینی توصیه لردن خصوصا حضرت علی (ع) یولوندان الهام آلاراق، اوزومو جان دان عزیز تبریز وطنداشلاریما وقف ائده جه یم.

مهندس ایرج شهین باهر، تبریز بلدیه رئیسی نین معارفه مراسمینده دئدی: ایران اسلامی جمهوریتینین مقدس نظامینین متعالی آماجلاری و هدف لری اوغروندا، انقلابین معظم رهبرینین انتظارلاری و تدبیر ایله  اومود دولتینین سیاستلری دوغرولتوسوندا حرکت ائتمه یی اوزومه بورج بیلیرم.

تبریز بلدیه رئیسی آرتیردی: تبریز بلدیه سینین 550 میلیارد تومن لیک بورجو وار و آیدا 40 میلیارد تومن پرسنل آیلیغی وئریلیر. آنجاق معلوم اولان مسئله لر و مشکل لره باخمایاراق، بیز توتدوغوموز یولدا گوجلو حرکت ائده جه ییک.

 

مهندس شهین باهر آرتیردی: تبریز اسلامی شورا عضولرینین نین ایش بیرلیگی و کومکی ایله و زحمت چکن پرسنلین همکارلیغی ایله صداقت و دوز ایشله مه یی اوزوموزه سرمشق ائده جه ییک.

 

متخصص لر و عالم لرین نظریندن فایدالانماق، عدالت، عمومی منفعت لره اولویت وئرمک، سیاسی مسئله لردن اوزاق دورماق، قانونون ایشلرده معیار اولماسی، تفصیلی و جامع طرح لری اجرا ائتمک، همشهری لرله بلدیه آراسیندا اعتماد یاراتماق، کدورت لری آرادان قالدیرماق، قالارقی گلیر یوللارینی آختارماق و غیردولتی گلیرلره دوغرو حرکت ائتمک اوزوموزه گلن دورد ایلین اساس محورلریندن اولاجاق.

 

ارسال نظر