دوشنبه ۲۷ آذر ۱۳۹۶ - ۰۹:۲۴
کد خبر42339

تبریز شوراسینین معمارلیق و شهر تیکمه کمیسیونونون رئیسی:
یاشاییش محیطی قوروما تشکیلاتی، تبریز هاواسینی چیرکینلشدیرن منبع لری تانیتدیرسین

بابایی اقدم.jpg

شهریانیوزون: تبریز شوراسینین معمارلیق و شهر تیکمه کمیسیونو، یاشاییش محیطینین قوروما تشکیلاتیندان تبریز هاواسینی چیرکینلشدیرن منبع لرین سهمی و پایلارینین آچیقلاماسینی ایسته دی.

فریدون بابایی اقدم، یاشاییش محیطینی قورویان تشکیلاتین قاباغا آپاردیغی سیاستی قینایاراق دئدی: تبریز هاواسینین چیرکینلشمه سی بحران وضعیتنیده دیر. بو حالدا مدرسه لر و مکتب لرین باغلانیلماسی ساده جه تسکین وئریجی بیر تصمیم دیر.

 

تبریز شوراسی نین عضو سوزلرینین داوامیندا آرتیردی: تبریز هاواسی بو گونلر بوتون همشهری لر اوچون ضررلی دیر. آما یاشاییش چئوره سینی قورویان تشکیلاتین سایتی، قاچاق اووچولارین توتولماسینی قابارداراق، اصلا هاوا چیرکینلیگی کیمی اهمیت لی مسئله یه اشاره ده ائتمه ییب دیر.

فریدون بابایی اقدم دئدی: یاشاییش چئوره سینی قورویان تشکیلاتا تبریز هاواسینی چیرکینلشدیرن منبع لرین سهمی و پایلارینین آچیقلاماسینی توصیه ائدیرم. صنعت، ائولرده ایشلنن یاناجاق لار و حمل و نقل سیستمینین هاوا چیرکینلیگینده کی پای لاری معلوم اولونمالی دیر.

 

ارسال نظر