دوشنبه ۲۷ آذر ۱۳۹۶ - ۱۰:۳۱
کد خبر42341

تبریز بلدیه رئیسی:
تبریز متروسونون بیرینجی خطی 97نجی ایلین سونونا قدر قورتاراجاق

 ایرج شهین باهر

شهریارنیوز: تبریز بلدیه رئیسی گلن ایلین سونوندا قدر، تبریزمترو پروژه سینین بیرینجی خط اجرایی ایشلرینین قورتاریلاجاغینی دئدی.

مهندس ایرج شهین باهر تبریزین هاوا چیرکینلیگینه دئیینه رک آرتیردی: تبریزین حمل و نقل سیستمینین توسعه سی اهمیت لی بیر مسئله دیر. ائله بونون اوچون ده 1397 نجی ایل بودجه سینده حمل و نقل سیستمینه 600 میلیارد تومن بودجه نظرده آلینیب دیر.

 

تبریز بلدیه رئیسی دئدی: فاینانس یادا مشارکت اوراقی ساتما واسیطه سی ایله گلن ایل تبریز متروسونا احتیاج اولان بودجه نی تامین ائده جه ییک!

مهندس ایرج شهین باهر میدان چایینین سو مسئله سینه توخوناراق آرتیردی: خلیل آباد کانالینین تیکیلمه سی ایله برابر چیرکین سولارین میدان چایینا آخماسینین قاباغی آلیندی. عینی حالدا تبریزین شرق طرفینده بیر سد وورولاراق تبریزین یوخاری باشیندان میدان چایینا آخان چیرکین سولارین دا قارشیسینی آلماق ممکن اولا بیلر.

 

ارسال نظر