چهارشنبه ۲۹ آذر ۱۳۹۶ - ۱۰:۴۰
کد خبر42397

تبریز بلدیه رئیسی:
هر زمان صنعتکارلارین و هنرمندلرین یانینداییق

photo_2017-12-19_12-14-42.jpg

شهریارنیوز: تبریز بویوک شهر بلدیه سینین رئیسی، تبریزده اکرانا چیخان «کئچل اوغلان» تئاترینی تاماشا ائتدیکن سونرا، بلدیه نین صنعتکارلار و هنر اهالی سینی داها آرتیق حمایت ائته سیندن سوز آچدی.

مهندس ایرج شهین باهر دئدی: بوتون مسئوللار مدنیت و مدنی ایشلره اهمیت وئره رک، صنعتکارلارین یانیندا اولاراق، شهری اداره ائتمک ده مدنیت و مدنی ایشلر داها آرتیق یئر وئرمه لیدیرلر.

تبریز بلدیه رئیسی آرتیردی: یقین مسئوللارین صنعتکارلارین یانیندا اولماسی اونلارین داها آرتیق صنعت و هنر یاراتماسینا ندن اولاجاقدیر.

 

مهندس باهر سوزلرینین داوامیندا آرتیردی: «کئچل اوغلان» تئاتری، بیزیم قدیمی سنت لر، مدنیت و گئییم لریمیزی نمایش ائتدیریر. بو تئاتردا بیزیم آتالاریمیزدان یادگار قالان محتشم کئچمیشیمیز یئنی دن جانلانیر. 

او دئدی: تبریز2018 ده شهریمیزه گلن قوناقلار و توریست لر ائله بیزیم بو سنت لر و مدنیتیمیزی گورمک اوچون تبریزه گله جک لر و بیز بو قدیمی سنت لری احیا ائتمک له توریسم صنعتینین دیرچلمه سینه فایدالی آددیم لار آتابیله ریک.

دئمک لازیم دیر کی «بابک نهرین»، شرقی آذربایجان نمایش هنر و تئاتر انجمنینین رئسی و «کئچل اوغلان» تئاترینین مودورو، تبریز تئاترینین اوزل مدالینی تبریز بلدیه رئیسینه وئره رک مهندس باهرین صنعت و هنره ائتدیی توجه دن تقدیر ائتدی.

ارسال نظر