سه‌شنبه ۵ دی ۱۳۹۶ - ۱۹:۰۲
کد خبر42542

بلدیه رئیسی، 2018نجی میلادی ایل و حضرت مسیح (ع) ولادتینی تبریک دئدی

30353.jpg

شهریارنیوز: تبریز بلدیه رئیسی بیر مکتوب یایاراق، حضرت عیسی مسیح (ع) ولادتینی و 2018نجی میلادی ایلی بوتون مومن لر و تبریزلی مسیحی لره تبریک دئدی.

مهندس ایرج شهین باهرین تبریک مکتوبوندا بئله یازیلیب: 2017نجی میلادی ایل بوتون یئنیش یوققوشلاری و حادثه لری ایله سونا چاتدی و بوتون دونیا اهلی یئنی ایلده عیسی مسیح (ع) روحا اوخشایان تعلیم لرینه توجه ائده رک اورک لری و جان لاری باریش، مهربانلیق و یاخشیلیغا مهیا ائتسین لر.

تبریز بلدیه رئیسی مسیحی همشهری لرین اسلامی انقلابین چئشیدلی دؤورلرینده و مقدس دفاع دورانیندا حضورونا دئیینه رک دئییب: تبریزین تاریخی واقعیت لرینده مسیحی لر همشهری لرین رولو اولموشدور . و مسیحی همشهری لرین مختلف زامان لاردا مسلمان لارلا اورک بیرلیگی گوزدن قاچماز دیر.

 

شهین باهر 2018نجی ایلین تبریز شهرینین ارتباطات توسعه و انکشافیندا اهمیتلی بیر باشلانقیج اولاجاغینی دئییب آرتیریب: وحدت، بوتون همشهری لرین تبریزین توسعه سینده مشارکت ائتمه سی و هیمنی «تبریز2018»ین مدنی آماجلارینا چاتماسیندا اساس ضمانت دیر.

 

ارسال نظر