سه‌شنبه ۲۶ دی ۱۳۹۶ - ۰۹:۳۴
کد خبر42962

تبریز بلدیه رئیسی سانچی گمی سی حادثه سی اوچون باش ساغلیغی وئردی

سانجی

شهریارنیوز: تبریز بلدیه رئیسی نفت داشیان «سانچی» گمی سینده 32 وطنداشیمیزین جان لارینی ایتیرمه سینی تسلیت دئییب باش ساغلیغی وئردی.

مهندس ایرج شهین باهرین یاییدیغی باش ساغلیغی مکتوبوندا بئله گلیب دیر: اودلا سو آراسیندا قالیب، آرام اوقیانوسوندا و «سانچی» گمی حادثه سینده  32 وطنداشیمیزین ایتگین دوشوب جان وئرمه سی چوخ درین حزن و آجی گونلر یاراتدی.

 

او اؤز مکتوبوندا «بهرام اتحاد» آدلی تبریزلی گمیچی نین ده جان وئرمه سینی خاطیرلاداراق اونون خاطره سینی عزیز ساییب یازدی: آذربایجان و تبریز سانچی گمی سینین مصیبتلی حادثه سینده شریک اولاراق  بو غیرتلی تبریزلی گمیچی نین آدی و یادی نی ابدیته قدر یاددان چیخارتمایاجاق.

 

تبریز بلدیه رئیسی اوز مکتوبونون سونوندا بئله یازیب: من تبریز شهرینین خادمی اولاراق بوتون همشهری لرین وریندن اوز تاسفومو و اوره ک بیرلیگیمی بیلدیره رک، بؤیوک الله درگاهیندان بو حادثه ده جان لارین الدن وئرنلره الهی غفران و اونلارین یاخینلارینا دا صبر آرزو ائدیرم.

ارسال نظر