شنبه ۳۰ دی ۱۳۹۶ - ۰۸:۲۷
کد خبر43030

تبریز بلدیه رئیسی:
شهرلر اطرافیندا گئجه قوندو ائولری احیا ائتمک ده تبریز بیرینجی رتبه ده دیر

شهین باهر

شهریارنیوز: تبریز بلدیه رئیسی، اؤلکه مقیاسیندا شهرلر اطرافیندا یارانان گئجه قوندو (حاشیه نشین لرین غیر استاندارد ائولریینی) احیا ائتمک ده بو شهرین بیرینجی مرتبه ده یئر آلماسیندان سوز آچدی.

مهندس ایرج شهین باهر آرتیردی: کئچن 30 ایلده اولکه میزین هئچ بیر شهرینده گئجه قوندو و شهرلرین حاشیه سینده یارانان غیر استاندارد ائولری استانداردلاشدیرماق اوچون هئچ بیر ایش گورولمه ییب دیر.

 

تبریز بلدیه رئیسی تبریز بازرگانی ، تجارت و صنعت اتاقی ایله تبریز اسلامی شوراسینین مشترک جلسه سینده بو مسئله یه توخوناراق آرتیردی: مسکن و شهرچیلیک ناظرلیگینین (وزارتخانه) وئردیی معلوماتا گوره اولکه سطحینده ساده جه تبریز شهری غیر رسمی و حاشیه ده تیکیلن ائولرین احیا ائتمه سی اوچون عملی آددیم آتیب دیر.

مهندس شهین باهر آرتیردی: البته تبریزین گئجه قوندو و حاشیه محله لرینده تیکیلن ائولرین ساییسی آز و 170 واحد آپارتمان دیر آما عینی حالدا تبریز ائله بو قونو دا ایراندا بیرینجی رتبه یه مالک دیر و هئچ بیر شهرده زلزله قاباغیندا دایاناجاغی اولمایان ائولری احیا ائتمک اوچون بیر آددیم گوتورلمه ییب دیر.

 

او دئدی: بو 170 واحد آپارتمان، 20 مین غیر استاندارد ائوله مقایسه ده چوخ آز دیر آنجاق تبریز ائله بو تعداد آپارتمان تیکمه سی ایله اولکه ده بیرینجی رتبه ده دیر.
 

ارسال نظر