سه‌شنبه ۱۰ بهمن ۱۳۹۶ - ۰۹:۵۲
کد خبر43277

تبریز شهرینین اسلامی شورا رئیسی:
یاشاییش چئوره سینی قوروماق، چوخ اهمیتلی بر هدف دیر

شکور

شهریارنیوز: تبریزین اسلامی شورا رئیسی، زیبیل یاندیران کرخاناسینین تیکیلمه سینین مقاوله یازما جلسه سینده دئدی: زیبیل دن انرژی استحصال ائتمک دونیانین لاپ مدرن تکنولوژی لریندن بیری دیر.

 

شکور اکبرنژاد آرتیردی: زیبیل لر و تولانتی لاری صحیح و دوز مدیریت ائتمه سک، یاشاییش چئوره سی اوچون تهلوکه یه چئوریله بیرلر. عینی حالدا توللانتی لاری و زیبیل لری اصولی مدیریت ائتمک له برابر بلدیه اوچون گلیر و ایش ایمکانی یارادا بیلریک.

 

اکبرنژاد دئدی: تبریز بلدیه سی زیبیل لرین جامع صورت ده مدیریت ائتمه قانونون آماجی اساسیندا نئچه مدت اونجه دن، زیبیل دن انرژی استحصال ائتمک باره سینده تخصصی صورت ده ایشله ییب.

 

تبریز اسلامی شوراسینین رئیسی آرتیردی: تبریز بلدیه سی بیر ایل اونجه بو شهرده زیبیل ده انرژی استحصال ائتمک اوچون کرخانا دوزلتمک اوچون عمومی بیر اعلان وئردی و نهایت ده فرانسه ده فعالیت گوسترن بویوک بیر شیرکت له آنلاشدیب و بو مرکزی تبریزده احداث ائتمک اوچون بیرینجی آدیم لار آتیلیب.

ارسال نظر