سه‌شنبه ۷ فروردین ۱۳۹۷ - ۰۷:۴۰
کد خبر44435

تبریز بلدیه سینین 4نجو منطقه مودورو:
نوروز بایرامی قوناقلاری آذربایجان میدانی کمپینده وئریلن خدمت لردن فایدالانیرلار

35605.jpg

شهریارنیوز: تبریزین دؤردونجو منطقه سینین بلدیه مودورو آذربایجان مئیدانیندا قورولان توریزم کمپینه توخوناراق، قوناقلارین بو کمپ ده وئریلن خدمت لردن راضی قالماسیندان خبر وئردی.

 

اکبر امجدی دئدی: تبریزین غرب طرفیندن گلن قوناق اتومبیل لر آذربایجان میدانیندا پولسوز اولاراق تمیزلنمه خدمتی آلیرلار.

 

او آرتیردی: تبریزین بین المللی هاوا لیمانیندان شهریمیزه گلن قوناقلاری گوزه آلاراق، مختلف مدنی و تبلیغی بروشورلار بو مسافرلره پایلانیر.

 

تبریز خریطه سی، تبریزین گورمه لی یئرلرینین خریطه سی، تبریز حاقیندا فیلم لری احاطه ائدن سی دی لر، اتومبیل لر اوچون زیبیل قابی، تبریز شکلاتی و یازی دفتری قوناقلارا پایلانیلیر.

ارسال نظر