سه‌شنبه ۲۶ تیر ۱۳۹۷ - ۱۳:۰۱
کد خبر46815

تبریز بلدیه رئیسی آچیقلادی:
ارتش خیاوانی پروژه سینین یوزده یئتمیش اجرایی ایشی گورولوب

شهین باهر.jpg

شهریارنیوز: تبریز بلدیه رئیسی، ارتش خیاوانی پروژه سینین یوزده یئتمیش ایشیلرینین گورورلمه سیندن خبر وئردی.

 

مهندس ایرج شهین باهر منطقه 3 ده یئرلشن پروژه لردن گوروش ائدیب و ارتش خیاوانی پروژه سی حاقیندا دئدی: ارتش خیاوانینین 70% ایشله نیب و انشالله بیر آی یاریم ایچینده بو پروژه نین ایشلری تمامی ایله قورتاراجاق.

 

تبریز بلدیه رئیسی دئدی: ارتش مسئوللاری ایله ائتدییمیز توافق چرچیوه سینده بیر سیرا تاسیساتی انگل لر آرادان قالدیریلیرسا، بو خیاوان بیر آی یاریم ایچینده  آچیلیب ترافیک اوچون حاضیر اولاجاق.

 

مهندس شهین باهر آرتیردی: ارتش خیاوانینین امتدادی آچیلدیقدان سونرا آزادی و ارتش خیاوانلارینین تقاطعینده ترافیک احتمالی چوخدور. بونون اوچون ده بوردا بیر کورپو تیکمک پلانی حاضیرلانیر.

 

تبریز بلدیه رئیسی هابئله ارتش اراضی سینده یئرلشن بویوک و مخصوص باغشمال پارکینین تیکیلمه سیندن خبر وئردی.

 

مهندس ایرج شهین باهر، بلدیه نین اوچونجو منطقه سینده ایشله نیلن مختلف پروژه لرده حاضیر اولوب ایشلرین نئجه گئدییندن خبر آلدی.

ارسال نظر