شنبه ۳۰ تیر ۱۳۹۷ - ۰۷:۴۳
کد خبر46962

اوستاد سید جمال الدین ترابی طباطبایی نین هئیکلی ارتش خیاوانیندا نصب اولدو

41308.jpg

شهریارنیوز: اوستاد سید جمال الدین ترابی طباطبایی نین هئیکلی تبریز بلدیه سینین گوزلندیرمه تشکیلاتی واسطه سی ایله، ارتش خیاوانیندا نصب اولوندو.

استاد سید جمال الدین ترابی طباطبایی اؤلکه نین آدلیم سیکه شناسلیق و تاریخ عالیم لریندن و آذربایجان موزه سینین مودورو، 1304 گونش ایلی میارمیار محله سینده آنادان اولدو.

 

او ایران سکه شناسلیق علمینین آتاسی کیمی تانینیر و 35 علمی مقاله و کیتاب سکه و عامه مدنیتی حاقیندا اونون قلمی ایله یازیلیب دیر.

 

اوستاد ترابی طباطبایی ایللر بویو مین لر عکس و تاریخی سند و اوچ مین بئش یوزدن آرتیق قدیمی سکه ییغیب دیر. دونیانین آلدلیم سکه شناسلاری اونون علم و تجربه سیندن چوخلو فایدالانمیشلار.

 

استاد ترابی طباطبایی نین آدی ایللیک « سالنامه جاودانه های ایران» مجموعه سینده ثبت اولوب. او 1388نجی گونش ایلینده بو دونیادان کؤچدو.

 

اوستادین هئیکلی نی تبریزلی هئیکل تراش جعفر پوردرگاه یارادیب و تبریز بلدیه سی نین همت ایله اوستادین یاشادیغی ائوین یاخینلیغیندا نصب اولوبدور.

ارسال نظر