چهارشنبه ۹ آبان ۱۳۹۷ - ۰۹:۰۹
کد خبر50154

تبریز بلدیه رئیسی:
اربعین دونیانین ان بؤیوک عقیدتی ییغینجاغی دیر/ تبریز بلدیه سی اربعین ده وئریلن خدمت لرینی آرتیراجاق

47050.jpg

تبریز بلدیه رئیسی دئدی: اربعین دونیانین ان بؤیوک عقیدتی ییغینجاغی دیر و دونیانین مختلف یئرلریندن گلن امام حسین (ع) عاشق لری بو ییغینجاغا قاتیلماق ایله امام حسین (ع) ین آزادلیق ایسته یینی یئنی دن احیا ائدیب، دونیا اهلینینه گؤستریرلر.

 

مهندس ایرج شهین باهر دئدی: حسینی اربعین شیعه لرین ان بؤیوک انسانی و عقیدتی ییغینجاغی دیر و دونیانی مختلف اولکه لری خصوصا بیزیم عزیز اؤلکه میز ایراندان اربعین زیارتی اوچون، کربلا شهرینه گئدیرلر.


او، اربعین حرکتینی دونیا استکبارینا قارشی، شیعه لرین اهمیتلی و سمبلیک گورولن حرکت بیلیب دئدی: استکبار بیلمه لی دیر کی شیعه لر بئله بیر گونده امام حسین (ع) ین آزادلیق و آزاده لیق سوزونو دونیا اهلینه گوستریب و هرزامان دان داها چوخ بو سوزون یئرینه یئتیریلمه سی اوچون جهد گوستره جک لر.


تبریز بلدیه رئیسی، جنت الحسین موکب ورینده وئریلن خدمت لره اشاره ائده رک دئدی: ایکی هفته دن آرتیق بیر زاماندا تبریز بلدیه سینین خادم لری جنت الحسین موکبینده، اربعین مسافرلری اوچون مختلف خدمت لری تقدیم ائدیرلر.


مهندس ایرج شهین باهرین دئدیینه گوره، جنت الحسین موکبینه مراجعت ائدن زائرلرین چوخو ائله تبریزلی همشهری لر و یا آذربایجانلی لار اولموشلار.

 

ارسال نظر