یکشنبه ۳ شهریور ۱۳۹۸ - ۱۴:۱۵
کد خبر55694

تبریز اسلامی شوراسینین عضوو:
اجتماعی سرمایه لریمیزین قدرینی بیلمه لییک

نیکوخصلت.jpg

تبریز اسلامی شوراسینین عضوو دئدی: بیوک صباغ کیمی انسانلار بو شهرین حقیقی سرمایه لریدیلر. بئله بویوک انسانلار بیر الگو کیمی تانینمالی دیرلار.

سعید نیکوخصلت، تبریزین مشهور و سابقه لی فوتبالیستیندن عیادت ائتدیکده دئدی: حقیقی اجتماعی سرمایه لریمیزه اعتناسیز قالماغیمیز، جوانلارین موهوم الگولارین آرخاسینجا گئتمه سینه ندن اولوب دور.

او واقعی و حقیقی الگولارین اولماماسینی، اعتیادین چوخالماسینین ندنی بیلیب آرتیردی: مناسب الگو و قهرمانلاریمیزی جامعه و همشهری لریمیزه تانیتماماق اوچون هامیمیزین تقصیری واردیر.

تبریز اسلامی شوراسینین عضوو، بیوک صباغین شرقی آذربایجان فوتبالیندا یوخاری موقعیتینه اشاره ائدرک دئدی: اوستاد صباغ کیمی بویوک انسانلار بیزیم جامعه نین اصیل و حقیقی سرمایه لری دیر لر و بیز بو بویوک انسانلاری حقیقی الگو اولاراق گله جک نسله تانیتدیرمالییق.

بیوک صباغ تبریز فوتبالینین آدلیم اوینچو و مربی لریندن دیر کی نئچه ایلدیر خسته یاتاقیندادیر.

ارسال نظر

شما در حال ارسال پاسخ به نظر « » می‌باشید.
3 + 3 =