یکشنبه ۱۰ شهریور ۱۳۹۸ - ۱۰:۲۰
کد خبر55796

تبریز بلدیه سینین فنی و عمرانی معاونی:
بوتون گوجوموزله تبریزین تاریخی یئرلرینی مرمت و احیا ا ئده جه ییک

اسحقی

تبریز بلدیه رئیسینین فنی و عمرانی معاونی دئدی: بوتون گوجوموزو تبریزین تاریخی یئرلرینی مرمت و احیا ا ئتمه سی اوچون بیر یئره ییغاجاغیق.

8نجی منطقه ده ایشله نیلن عمرانی پروژه لرین تدقیق جلسه سی بلدیه نین فنی و عمرانی معاونی، 8نجی منطقه نین بلدیه رئیسی و بو منطقه نین معاون و مدیرلرینین حضوری ایله برپا اولونموشدور.

محمد حسین اسحقی بو جلسه ده 8نجی منطقه نی تبریزین ویترینی آدلاندیریب دئدی: 8نجی منطقه تبریزین مرکزی و تاریخی بولگه سینده واقع اولدوغو اوچون، بو منطقه ده هر گون همشهری لر ایله برابر چوخ ساییدا توریستین ده حاضر اولور. بونون اوجون ده بو منطقه نین مسئله لری اوچون داها تئز حل یولو تاپیلمالی دیر.

تبریز بلدیه رئیسی نین فنی و عمرانی معاونی تبریزین تاریخی یئرلرینین مرمت و احیاسینی وورغولایاراق آرتیردی: بوتون گوجوموزو تبریزین تاریخی یئرلرینی مرمت و احیا ا ئتمه سی اوچون بیر یئره ییغاجاغیق و بو منطقه ده اجرا اولونان شهر پروژه لری واسطه سی ایله بو منطقه ده توریسم صنعتینین داها آرتیق تقویت اولماسینی گوره جه ییک.

ارسال نظر

شما در حال ارسال پاسخ به نظر « » می‌باشید.
7 + 9 =