پنجشنبه ۲۹ خرداد ۱۳۹۹ - ۱۲:۵۹
کد خبر63618

تبریز بلدیه‌سی‌نین کرونا ویروسا قارشی اولان سیتادی‌نین رئیسی خبر وئردی:
اتوبوس‌لار فعالیتی دایانماییب/ پارک‌لاردا ایدمان و اتراق قدغن‌دیر

حسن زاده

تبریز بلدیه‌سی‌نین کرونا ویروسا قارشی اولان سیتادی‌نین رئیسی دئدی: کرونا ویروسا قارشی اولان سیتادین قراری اساسدا، شرکت واحد اتوبوس‌لاری دایانماییب و تکجه بیر پارا محدودیت‌لر یارانیب.

شهریار خبر آژانسی‌نین وئردیگی معلومات اساسیندا، محمدحسین حسن‌زاده بیر خبری دانیشیقدا آرتیردی: اتوبوس‌لاری سرنشین میندیرمک‌ده محدود عمل ائدیب و ساغلاملیق پروتکل‌لاری‌نی نظرده آلاجاق‌لار.

او خاطیرلادی: ماسک تاخماق، ضدعفونی، هر سرنشینین بیر صندل‌ده اوتورماسی و آیاق اوسته دورماماق  کرونا ویروسا قارشی اولان یئنی قرارلاردیر.

تبریز بلدیه‌سی‌نین ساغلاملیق ایداره‌سی‌نین رئیسی، کرونا ویروسا قارشی اولان سیتادین قرارلارینی پارک‌لار اوچون‌ده آچیقلاییب و دئدی: هر بیر توپلانماق، دولانماق، ایدمان و اتراق پارک‌لاردا قدغن دیر و بلدیه گرک بو باره‌ده محدودیت‌لر یارادا.

او آرتیردی: شهر ایچینده اولان آیاق یول‌لاری دا تمیز و سلیقه‌لی ضدعفونی اولمالی‌دیر و بو قرارلارا قارشی اولانلار فعالیت‌لرینین قارشی‌سی آلیناجاق.

ارسال نظر

شما در حال ارسال پاسخ به نظر « » می‌باشید.
3 + 12 =