چهارشنبه ۱۹ مهر ۱۳۹۶ - ۰۹:۰۷
کد خبر41054

شرقی آذربایجان والی سینین معاونی:
12 ایل تبریز متروسونا اجحاف اولونوب/ 1392ینجی ایلدن بری مترو دا بویوک ایشلر گورولوب

پورمهدی.jpg

شهریارنیوز:شرقی آذربایجان والیسینین عمرانی معاونی 1380دان 1392ینجی ایله قدر تبریز متروسو حاقیندا اجحاف الولوندوغونو دئدی.

محمد صادق پور مهدی، 1392ینجی ایلدن بویانا تبریز متروسوندا بویک ایشلر گورولدویونو وورغولایاراق دئدی: 92ینجی ایله دک، 700 میلیارد نقدی و غیرنقد تبریز متروسونه پول خرجلنمیشدیر کی بونون 700 میلیارد تومنی دولت دن و 200 میلیارد تومنی ده تبریز بلدیه سیندن آلینمنیشدیر.

پور مهدی آرتیردی: 1392نجی ایلدن سونرا پول قایناقلارینین قیستیلانماسی ندنی ایله دولت تبریز متروسونا یئترینجه اعتبار خرجله یه بیلمه دی  و بونون اوچون تبریز بلدیه سی و تبریز اسلامی شوراسی ایله دانیشیق لار آپاریلدیقدان سونرا تبریز بلدیه سی جدی صورت ده مترو دا چالیشمالار آپاردی.

اونون سوزلرینه گور، سون دؤرد ایلده تبریز متروسونا خرجلنن عمومی هزینه لر 1300 میلیارد تومن اولوب و بو خرج لر مختلف یوللارلا تامین اولوب و تبریز متروسونا خرجلنیبدیر.