سه‌شنبه ۲۳ آبان ۱۳۹۶ - ۰۹:۰۹
کد خبر41699

تبریز بلدیه باشچی سی زلزله دن زیان چکن لره باش ساغلیغی وئردی

28585.jpg

شهریارنیوز: تبریز بلدیه باشچی سی، اؤلکه نین غرب بؤلگه سینده باش وئرن زلزله دن سونرا اورانین زلزله دن ضرر چکن لرینه باش ساغلیغی وئردی.

مهندس ایرج شهین باهرین باش ساغلیغی مکتوبوندا بئله گلیب، ایران و عراق سرحدی یاخینلیغیندا باش وئرن زلزله فلاکتی یوزلرجه وطنداشیمیزین اولوم و خسارت آلماسینا سبب اولدو. بو واسطه ایله اوز وئرن بو آجی وئریجی حادثه نی بوتون وطن داشلار و زیان گورن لر و حیاتینی ایترین هموطن لریمیزین یاخینلارینا تسلیت دئییب، باش ساغلیغی دیله ییرم. حق تعالی نین محضریندن بو فلاکت ده جانلارین ایتیرن لره الهی مغفرت و خسته لنن و یارالانان و ضرر گورن لره ایسه عاجل شفا آرزی ائدیرم.

تبریز بلدیه باشچی سی او ماهالین شریف و دین پرور خالقین اومود، ایمان، صبر و دوزومونو، آجی لار و کدرلرین تسلی وئرن سببی بیلدی.

شهین باهر اوز مکتوبوندا، زلزله دن لاپ چوخ ضرر و خسارت گورن یئرلرین، غیر استاندارد یاشاییش یئرلری اولدوغونونا دئیینیب آرتیردی: شهر و کند انکشاف طرح لرینی ایشله مک  ده، استاندارد و امنیت لی بینالاری دوزلتمک،واجب دیر. اولکه انکشاف و توسعه سینده استانداردلارا دیقت ائتمک، طبیعی فلاکت لر زامانی ضرر زیانین آز اولماسینا ندن اولار.